Rentu

Нууцлалын бодлого

Сүүлд шинэчлэгдсэн: 2026 оны 11 сарын 19

1. Зөвшөөрөл

Монгол Улсын Хүний хувийн мэдээллийг хамгаалах тухай хуулийн дагуу бид таны хувийн мэдээллийг цуглуулж, боловсруулахын өмнө таны зөвшөөрлийг авдаг. Rentu дээр бүртгэл үүсгэх, дэлгүүр нээх, эсвэл баталгаажуулалт (KYC)-ын хүсэлт гаргах зэрэг үйлдэл хийснээр та энэхүү нууцлалын бодлогод заасан хүрээнд өөрийн мэдээллийг цуглуулж, боловсруулахыг зөвшөөрч байгаа гэж үзнэ.

Та өөрийн зөвшөөрлийг хүссэн үедээ буцаан татах эрхтэй бөгөөд энэ тохиолдолд бүртгэлээ устгуулах хүсэлт гаргаж болно (доор "5. Хэрэглэгчийн эрх" хэсгийг үзнэ үү). Зөвшөөрлийг буцаан татсан ч хуулийн дагуу заавал хадгалах шаардлагатай мэдээлэл (жишээ нь татварын баримтын түүх) тухайн хуулийн хугацаанд хадгалагдана.

2. Цуглуулдаг мэдээлэл

Бүртгэлийн мэдээлэл: нэр, имэйл, утасны дугаар, профайл зураг.

Сайн дурын профайл мэдээлэл: төрсөн он, хүйс, сонирхож буй ангиллууд, сонгосон үндсэн хот/аймаг, бүртгүүлэх үеийн зорилго, биднийг хаанаас мэдсэн тухай хариулт. Эдгээрийг бөглөх нь заавал биш бөгөөд профайлаасаа хүссэн үедээ засах, арилгах боломжтой.

Дэлгүүрийн мэдээлэл: дэлгүүрийн нэр, лого, байршил, утас (дэлгүүр нээсэн хэрэглэгчид), сар/жилээр төлдөг үйлчилгээний багцын түүх, сурталчилгааны (boost) захиалга болон түүний тохиргоо (төсөв, хугацаа, зорилтот аудиторийн шүүлт), Дэлгүүр эзэмшигчийн гэрээг зөвшөөрсөн огноо.

Баталгаажуулалтын (KYC) мэдээлэл: хэрэглэгч болон дэлгүүр эзэмшигч сайн дурын үндсэн дээр баталгаажуулах хүсэлт гаргахад иргэний үнэмлэх/бизнесийн бичиг баримтын урд, ард талын 2 зургийг илгээх бөгөөд эдгээрийг зөвхөн баталгаажуулалтын зорилгоор ашиглаж, хандах эрхийг хязгаарлагдмал ажилтнаар хязгаарладаг.

Захиалгын мэдээлэл: захиалгын түүх, сонгосон төлбөрийн сувг, хүргэлт/очиж авах хэлбэр, ашигласан купон/оноо, үнэ тохиролцох зарын үнийн санал, барьцааны тэмдэглэл (барьцааг платформоор дамжуулдаггүй, түрээслэгч дэлгүүрт биечлэн өгдөг тул зөвхөн барьцааны дүн, төлөв тэмдэглэгдэнэ). Карт, дансны дугаар зэрэг мэдрэмтгий төлбөрийн мэдээллийг бид өөрийн серверт хадгалдаггүй — төлбөрийг Bonum-ийн (эсвэл түүнтэй адилтгах лицензтэй) төлбөрийн систем шууд боловсруулна.

Хүлээлгэн өгөх, буцаан авах бичлэг: дэлгүүр барааны байдлыг баримтжуулахаар оруулсан зураг, богино бичлэг, тайлбар. Эдгээрт бараа, байршил, зарим тохиолдолд хүний дүр орж болох тул хувийн мэдээлэл оруулахгүй байхыг хүснэ. Бичлэгийг захиалгын хоёр тал л харах бөгөөд оруулсны дараа засах, устгах боломжгүй — маргааны нотолгоо болно. Захиалга, барьцааны маргаан шийдвэрлэх, хууль зүйн шаардлагад зориулан хуулиар заасан хугацаанд хадгална.

Хоймор: таны оруулсан нийтлэл, асуулт, сэтгэгдэл, зураг болон like нь олон нийтэд ил харагдана (нэр, профайл зургийн хамт, эсвэл дэлгүүрийн нэрээр). Зохисгүй агуулгын мэдэгдэл (report) болон модерацийн арга хэмжээг (нуух, устгах, хориглох) дүрэм зөрчлийг шийдвэрлэх зорилгоор хадгална. Хувийн мэдээллээ нийтлэхгүй байхыг зөвлөнө. Нийтлэл, сэтгэгдэлд холбосон зар, сэдэвт оролцсон мэдээлэл, шийдсэн хариултын тэмдэглэгээ хадгалагдана. Хойморын сэдвийн жагсаалтад түрээслэгчийн нэр хэсэгчлэн нууцлагдсан (эхний үсгүүд) хэлбэрээр, түрээсийн тоотой хамт, дэлгүүрийн нэр түрээсийн тоотой хамт нийтэд харагдана. Дан/KYC-аар баталгаажсан хэрэглэгчид «баталгаажсан» тэмдэг ил харагдана (иргэний үнэмлэхний мэдээлэл биш).

Байршлын мэдээлэл: ойролцоох зар санал болгох зорилгоор сүүлд үзсэн/хайсан байршил таны браузерын localStorage-д л хадгалагдана, серверт илгээгдэхгүй. Дэлгүүр эзэмшигчийн сайн дураар асаасан зарын GPS байршил (сүүлд бүртгэгдсэн цэг) тухайн зарыг үзэж буй хэрэглэгчдэд харагдана.

Мэдэгдлийн мэдээлэл: push мэдэгдэл (веб болон mobile апп) хүргэхэд шаардлагатай төхөөрөмжийн токен.

Хэрэглээний мэдээлэл: нэвтэрсэн үед таны үзсэн зар, хадгалсан зар, дагасан дэлгүүр — танд ойр, сонирхолтой зар санал болгох болон "эрэлттэй зарууд"-ыг тооцоолоход ашиглагдана.

Мөнгө татах ПИН: дэлгүүр эзэмшигчийн хэтэвчнээс мөнгө татах хамгаалалтын ПИН кодыг зөвхөн шифрлэгдсэн (hash) хэлбэрээр хадгалдаг бөгөөд бид түүнийг эх хэлбэрээр харах боломжгүй.

Техникийн мэдээлэл: төхөөрөмж, browser төрөл, IP хаяг — аюулгүй байдал, залилан илрүүлэх зорилгоор.

Хувийн бүртгэл: дэлгүүргүйгээр зар нийтэлсэн хэрэглэгчийн нэр, профайл зураг, холбоо барих утас нь зарын хамт ил харагдана. Дэлгүүрийн холбоо барих хэсэгт утас, байршил (газрын зураг) нийтэд харагдана.

Сагсаар захиалахад хүргэлтийн хаягийг газрын зургаас сонгосон байршил, координатаар хадгална. Маркетингийн зөвшөөрлийг сонголтоор авах ба зөвшөөрөөгүй бол сурталчилгааны зорилгоор ашиглахгүй.

3. Мэдээллийг ашиглах зорилго

Захиалга үүсгэх, төлбөр гүйцэтгэх, захиалгын явцыг удирдах.

Захиалгын түүх, баталгаажуулалт, төлбөр болон буцаалтын зан үйлд тулгуурлан итгэлцлийн оноог тооцох (оноо нь түрээслэгчийн хувь бүртгэлд харагдаж, барьцааны дүнд нөлөөлж болно).

Захиалгын төлөв, шинэ мессеж, урамшууллын оноо зэрэг мэдэгдлийг илгээх.

Хэрэглэгч, дэлгүүрийн бүртгэлийг баталгаажуулах, барьцааны нөхцөлийг тохируулах.

Үйлчилгээг сайжруулах, залилан/буруу ашиглалтаас хамгаалах.

Зорилтот мэдэгдэл: дэлгүүр эзэмшигч сурталчилгааны (boost) захиалгадаа нас, хүйс, сонирхлын ангиллаар шүүлт тохируулбал Rentu өөрөө таны профайлд бөглөсөн төрсөн он, хүйс, сонирхлын ангиллыг тулгаж, тохирсон хэрэглэгчид зарын мэдэгдэл илгээнэ. Энэ тулгалтыг Rentu-ийн системд дотооддоо хийдэг бөгөөд зар байршуулагчид таны хувийн мэдээлэл, хэн мэдэгдэл авсныг дамжуулдаггүй — зөвхөн хүрсэн тоо зэрэг нэгтгэсэн дүн харагдана. Профайл мэдээллээ бөглөөгүй хэрэглэгч нас/хүйсийн шүүлттэй мэдэгдэл авахгүй.

Хууль тогтоомжийн дагуу цахим татварын баримт (е-баримт) үүсгэх.

Хууль, эрх бүхий байгууллагын хүсэлтэд хариу өгөх.

4. Мэдээлэл хуваалцах

Бид хэрэглэгчийн мэдээллийг гуравдагч этгээдэд худалдахгүй. Зөвхөн дараах тохиолдолд хуваалцана:

Манай үйлчилгээг ажиллуулахад туслах боловсруулагч (processor) компаниуд: вэб хостинг (Vercel), өгөгдлийн сан (Neon), файл/зураг хадгалалт (Vercel Blob), Google-ээр нэвтрэх болон утасны дугаар баталгаажуулалт (Google/Firebase), системийн алдааны хяналт (Sentry). Алдааны хяналтад техникийн мэдээлэл (алдааны тайлан, төхөөрөмж, browser, хуудасны хаяг) илгээгдэж болно. Эдгээр нь зөвхөн манай үйлчилгээг үзүүлэх зорилгоор мэдээлэлд хандана. Мэдээлэл нь Монгол улсаас гадна (жишээ нь Сингапур, Хонконг дахь) серверт хадгалагдаж, боловсруулагдаж болохыг анхаарна уу.

Захиалгыг гүйцэтгэхэд шаардлагатай тал (жишээ нь түрээслэгчийн нэр, утас, хүргэлтийн хаяг тухайн захиалгын дэлгүүр эзэмшигчид харагдана).

Төлбөр гүйцэтгэх зорилгоор Bonum зэрэг холбогдох төлбөрийн үйлчилгээ үзүүлэгч.

Хууль тогтоомжийн дагуу цахим баримт (е-баримт) үүсгэхэд шаардлагатай хэмжээгээр Татварын ерөнхий газрын e-Barimt системд захиалгын дүн, огноог дамжуулах.

Хууль тогтоомжийн дагуу албан ёсны шаардлага гарсан тохиолдолд.

5. Мэдээллийн хадгалалт, аюулгүй байдал

Нэвтрэх нууц үг, мөнгө татах ПИН код шифрлэгдсэн (hash) хэлбэрээр хадгалагдана. Баталгаажуулалтын зорилгоор илгээсэн бичиг баримтын (урд/ард талын) зургийг зөвхөн шийдвэр гартал (баталгаажсан/татгалзсан) шаардлагатай хугацаанд хадгална. Мэдээллийг зөвшөөрөлгүй хандалтаас хамгаалах зохих техникийн, зохион байгуулалтын арга хэмжээг авч ажилладаг.

Акаунт устгасны дараа: таны хувийн мэдээлэл арилгагдах боловч захиалга, төлбөр, барьцаа, нэхэмжлэх, хүлээлгэн өгөх/буцаан авах бичлэг зэрэг санхүүгийн болон маргаан шийдвэрлэх түүх хуулиар заасан хугацаанд нэргүй байдлаар (таныг танихгүй хэлбэрээр) хадгалагдана.

6. Хэрэглэгчийн эрх

Хэрэглэгч өөрийн профайл мэдээллээ (нэр, утас, төрсөн он, хүйс, сонирхол) дашбоардаас хүссэн үедээ засах, арилгах боломжтой. Сайн дурын мэдээллээ арилгавал зорилтот мэдэгдлийн шүүлтэд таныг оруулахаа болино.

Акаунтаа өөрөө устгах: Профайл хуудасны "Акаунт устгах" хэсгээс өөрийн акаунтыг баталгаажуулалтын дараа шууд устгаж болно. Устгахад нэр, имэйл, утас, зураг, KYC зураг, төрсөн он, хүйс, Google холболт, төхөөрөмжийн токен, хадгалсан зар, мэдэгдлүүд арилж, зарууд нийтээс нуугдаж, дахин нэвтрэх боломжгүй болно. Дуусаагүй захиалга, шийдвэрлэгдээгүй мөнгө татах хүсэлт, хэтэвчний үлдэгдэл байвал эхлээд тэдгээрийг шийдвэрлэх шаардлагатай. Устгах боломжгүй тохиолдолд support@rentu.mn хаягаар хүсэлт илгээж болох бөгөөд бид ажлын 10 хоногийн дотор шийдвэрлэнэ.

Хэрэглэгч өөрийн ямар мэдээлэл хадгалагдсаныг лавлах, засварлуулах, устгуулах, мөн мэдээлэл боловсруулах зөвшөөрлөө буцаан татах хүсэлтийг support@rentu.mn хаягаар илгээх эрхтэй.

Rentu-ийн удирдлага зөрчил гаргасан эсвэл хэрэглэгчийн хүсэлтээр акаунтыг мөн адил дээрх журмаар устгаж болно.

7. Cookie болон локал хадгалалт

Сайт нэвтрэлтийн session болон сүүлд үзсэн байршил, хайлтын тохиргоо зэргийг ажиллагаанд зайлшгүй шаардлагатай cookie/localStorage ашиглан таны төхөөрөмж дээр хадгалдаг. Мөн сурталчилгаа (boost) зэрэг олон алхамтай маягтыг буцаж орсон үед алдахгүйн тулд бөглөсөн хэсгийг тухайн таб нээлттэй байх хугацаанд (sessionStorage) таны төхөөрөмж дээр түр хадгална.

8. Өөрчлөлт

Энэхүү бодлого цаг хугацааны явцад шинэчлэгдэж болох бөгөөд өөрчлөлтийг платформ дээр нийтэлснээр мэдэгдсэнд тооцно.

Нууцлалтай холбоотой хүсэлт: support@rentu.mn
Нууцлалын бодлого — Rentu